Tanzaniya yizeye umuravumba kurusha urukingo

Amakuru avuga ko Tanzania yavuze ko idafite gahunda yo gutumiza inkingo za Covid-19, ko ahubwo yizeye ubushakashatsi “ku byatsi” byo muri icyo gihugu.

Mu kiganiro n’ikinyamakuru The East African, Gerald Chami, umuvugizi wa minisiteri y’ubuzima, yakomeje avuga ko afite amakenga niba inkingo zitumizwa mu mahanga nta bibazo ziteza ku buzima kandi niba ari ingirakamaro.

Yavuze ko zakozwe mu buryo bwihuse cyane kuburyo zitaba zarageragejwe neza.

Igerageza ry’inkingo za Covid-19 ryubahiriza ibisabwa bikomeye byo ku rwego mpuzamahanga.

Imyitwarire ya Tanzania kuri Covid-19 itandukanye cyane n’iy’ibindi bihugu bituranye nayo, mu gihe cya vuba gishize byongeye kugira ubwiyongere bw’ubwandu bushya.

Mu mpera y’ukwezi kwa kane, Tanzania yahagaritse gutangaza imibare mishya ijyanye na Covid-19, ndetse mu kwezi kwa gatandatu Perezida John Magufuli avuga ko iyo virusi itakirangwa mu gihugu.

 

Leave a Reply

Your email address will not be published. Required fields are marked *