Rayon yasinyishije umu Nigeriya muyitege mu minsi iri imbere

Rayon Sports yasinyishije, rutahizamu w’umunya-Nigeria witwa Sunday Oni Jimoh amasezerano y’imyaka ibiri, yakiniraga Abi Warriors yo muri Nigeria.

Rayon Sports yasinyishije uyu mukinnyi mbere y’uko igura n’igurisha ry’abakinnyi rirangira kuri uyu wa Gatandatu tariki 7 Ugushyingo 2020.

Rayon Sports yashyize ubutumwa kuri Twitter, yavuze ko yasinyishije uyu mukinnyi kuko yanyuze mu makipe akomeye arimo FC Ifeanyi Ubah na Abia Warriors FC zo muri Nigeria.

Ubu butumwa bugira buti “Ni we mukinnyi watsinze ibitego byinshi mu mwaka w’imikino wa 2019-2020, mu ikipe ya Abia Warriors yakiniraga.”

Sunday Jimoh yasinye nyuma y’uko Umunya-Mali Moussa Camara wari utegerejwe muri iyi kipe atakiyijemo.

Sunday yakiniye Heartland FC yo muri Oweri mbere yo kwerekeza muri Nnewi.

Yatsinze ibitego bitandatu kuva ageze muri Abia Warriors birimo bitanu yatsinze mu mwaka ushize w’imikino wa 2019-2020 na kimwe yatsinze mu 2019. Kuva muri 2015, yatsinze ibitego 11 muri Shampiyona ya Nigeria.

Ni umukinnyi wa kabiri mushya usinyishijwe na Komite Nyobozi nshya ya Rayon Sports nyuma y’Umunya-Côte d’Ivoire, Jean Vital Ourega watiwe muri TP Mazembe.

 

Leave a Reply

Your email address will not be published. Required fields are marked *