N’ubwo gusura urugo rw’undi muntu muri Israel bibujijwe Sara Netanyahu siko abibona

Amakuru ava muri Israel avuga ko Sara, umugore wa Minisitiri w’intebe Benjamin Netanyahu, yarenze ku mabwiriza ya leta ategeka abantu kuguma mu ngo zabo, kugira ngo batunganye umusatsi we.
Ikinyamakuru Yedioth Ahronoth kivuga ko mu cyumweru gishize umuhanga mu gutunganya imisatsi yagiye mu rugo rwa minisitiri w’intebe.
Amabwiriza yashyizweho mu kwezi gushize, nyuma y’inkubiri ya kabiri no kwiyongera kwa Covid-19, abuza umuntu wese kurenga 1Km uvuye aho atuye, uretse abajya gushaka no gutanga serivisi zikomeye.
Ubu, gusura urugo rw’undi muntu muri Israel birabujijwe.
Abo ku ruhande rwa Madamu Netanyahu bavuze ko yaketse ko yemerewe gutunganywa umusatsi kuko yari agiye gufatwa videwo yo gushishikariza abantu kwambara agapfukamunwa.
Bongeraho ko we n’uwaje kumutunganya imisatsi bari bambaye udupfukamunwa n’uturindantoki mu gihe bari kumwe, kandi yasabye uwaje kumuha iyo serivisi kwirinda ko baganira.
Madamu Netanyahu ni umwe mu bakomeye cyane mu gihugu bavuzweho kwica amategeko ya ‘guma mu rugo’, barimo n’umuminisitiri we nyuma baje no kumusangamo Covid-19.
Muri Israel, abantu barenga 282,000 batangajwe ko banduye coronavirus, muri bo abagera ku 1,824 yarabishe nk’uko bivugwa na Kaminuza ya Johns Hopkins yo muri Amerika

Leave a Reply

Your email address will not be published. Required fields are marked *