Kabila arimo kurimburwa muri Kongo arazibandwa aziganisha he?

Umwe mu bashyigikiye Perezida Félix Tshisekedi niwe watorewe kuba umukuru w’umutwe w’abadepite mu nteko ishimangamategeko ya Repubulika ya Demokarasi ya Congo, mu matora yabaye kuwa gatatu.

 

Christophe Mboso yatowe nyuma y’uko uwahoze kuri uwo mwanya Jeanine Mabunda wo ku ruhande rwa Joseph Kabila bagenzi be batoye bamuvana kuri uwo mwanya mu byuwmeru bitatu bishize.

Iki ni igikorwa gishya cya Félix Tshisekedi cyo kwigizayo mu butegetsi uwo yasimbuye Joseph Kabila.

Mu mutwe wa sena naho bamwe mu bawugize batangaje igikorwa kigamije kweguza uyikuriye wo ku ruhande rwa Kabila.

Ubwo Joseph Kabila yavaga ku butegetsi mu myaka ibiri ishize yakomeje kugira ijambo mu butegetsi kuko ihuriro rye ryatsindiye imyanya myinshi mu mitwe yombi y’inteko, amatora benshi babonye nk’ayarimo umugambi uhishe.

Mu kwezi kwa 12, Perezida Tshisekedi yatangiye uburyo bwo gusenya ihuriro yari ahuriyemo na Kabila, ashishikariza abadepite kweguza minisitiri w’intebe.

Nyuma y’itorwa rya Mboso biteganyijwe ko ashyiraho minisitiri w’intebe mushya n’abagize guverinoma nta ruhare uwo yasumbuye abigizemo.

Tshisekedi yitezweho gutunganya ibyo yasezeranye birimo impinduka no kurangiza intambara z’imitwe yitwaje intwaro mu burasirazuba bwa Congo agace gakungahaye ku mabuye y’agaciro.

Christophe Mboso N’kodia watowe afite imyaka 78, yatowe ku bwiganze bw’abagize umutwe w’abadepite ubu bari mu ruhande rwa Tshisekedi.

 

Leave a Reply

Your email address will not be published. Required fields are marked *