Jo Biden yahinduye ibintu

Nyuma y’amasaha make Joe Biden arahiye,Joe Biden yahise yerekeza muri White House asanga uwari Perezida Donald Trump yamwandikiye ibaruwa yatangaje ko iyo baruwa yari yuzuye ubuntu bwinshi.

 

Mu gihe yarimo yerekeza muri Maison Blanche/White House nyuma y’irahira, yanditse kuri Twitter ati: “Nta mwanya wo guta mu guhangana n’ibibazo bitwugarije”.

Perezida Biden yashyize umukono ku mategeko mashya 15 yose, irya mbere rikaba ryerekeye kurwanya coronavirus.

Ayandi mategeko ahindura ingingo z’ubutegetsi bwa Trump ku bijanye n’ihindagurika ry’ikirere hamwe n’amategeko yerekeye abimukira.

Perezida Biden yageze mu biro bye bwa mbere kuri uyu wa Gatatu ahita asoma ibaruwa yasigiwe n’uwo yasimbuye Donald Trump.

Ubwo yabazwaga n’abanyamakuru ibiyikubiyemo,Joe Biden yagize ati “Kubera ko ari ibaruwa bwite,nzatangaza ibirimo mbanje kuvugana nawe.Ariko yarimo Ubuntu bwinshi.”

Biden yavuze ko umwe mu bakozi bagenzi be uzasuzugura abandi azahita yirukanwa ako kanya.

Nyuma yo kurahizwa n’umukuru w’urukiko rw’ikirenga, John Roberts, Biden yavuze ati: “Demokarasi yatsinze”.

Mu ijambo rye ryo gukomeza ubumwe nyuma y’imyaka y’ubutegetsi bwa Trump bwaranzwe n’umyiryane, yiyemeje kuba umukuru w’igihugu “ku Banyamerika bose”, abamutoye n’abatamutoye.

Batatu mu bamubanjirije bari bitabiriye ibyo birori: Barack Obama – yabeyereye visi Perezida mu myaka umunani yose yamaze ku butegetsi, Bill Clinton na George W Bush, hamwe kandi na Visi Perezida Trump, Mike Pence.

Umutekano wari wakomejwe ku ngoro y’amakoraniro ya Amerika, Capitol, ahabereye ibi birori, nyuma y’aho iyi nyubako iterewe n’abigaragambya bashyigikiye Trump ku wa 06 z’ukwa mbere.

Biden n’umugore we, Jill Biden, bari kumwe na Kamala Harris n’umugabo we Doug Emhoff, bahise bafata inzira berekeza Pennsylvania Avenue berekeza muri Maison Blanche, bagenda baramutsa abagenzi n’abakunzi babo.

 

Leave a Reply

Your email address will not be published. Required fields are marked *