Impamvu Uburundi budashaka ko abarundi bazana imbuto mu Rwanda yamenyekanye

Umuyobozi w’Intara ya Cibitoke mu Burundi, Bizoza Garême, yatangarije abaturage ayoboye ibihano bikakaye ku uzafatwa agerageza kwinjiza ibiribwa mu bihugu bituranyi.

Nk’uko bigaragara mu itangazo ryo ku wa 22 Nzeri 2020, uyu muyobozi yavuze ko hafashwe iyi ngamba mu rwego rwo gusigasira umusaruro n’ubutunzi bw’intara ya Cibitoke. Ati: “Kirazira kikaziririza kwambukana ibiribwa mu bihugu duhana imbibe, cyane ko zisanzwe zifunze.”

Uzafatwa yarenze kuri iri tegeko nk’uko bigaragara muri iri tangazo, azacibwa amande y’amafaranga y’amarundi ari hagati y’ibihumbi 500 (500,000) na miliyoni imwe (1,000,000). Ikindi kandi, azamburwa ibyo yageragezaga kwambutsa.

[Uko ivunjisha rihagaze ku rubuga Currency Converter: Amafaranga y’amarundi (Fbu) 500,031 avunjwe mu manyarwanda, angana n’amafaranga y’u Rwanda (rwf) 253,0000, naho 1,000,000 Fbu angana na 506,062 rwf.]

Bizoza Garême yaboneyeho gusaba abaturage gutungura agatoki abayobozi, mu gihe hari uwo baba babonye yarenze kuri iri tegeko.

Intara ya Cibitoke iri mu majyaruguru y’uburengerazuba bw’u Burundi. Ihana imbibi n’u Rwanda, ku Ntara y’Amajyepfo n’Uburengerazuba na Repubulika ya Demukarasi ya Congo ku Ntara ya Kivu y’Amajyepfo.

 

Leave a Reply

Your email address will not be published. Required fields are marked *