Generari Niyombare yakatiwe burundu kubera kudeta yo mu 2015

Abantu barenga 30 barimo abasirikare, abanyapolitike, abanyamakuru, aba sosiyete sivile n’uwari umuvugizi wa Perezida Pierre Nkurunziza, byatangajwe ko bakatiwe gufungwa burundu n’urukiko rw’ikirenga mu Burundi, nk’uko inyandiko y’urukiko ibigaragaza.

Aba, bose baba hanze y’u Burundi, barezwe kugerageza guhirika ubutegetsi mu 2015 no kwangiza ibya rubanda, inyandiko y’urukiko yo muri iki cyumweru niyo yamenyekanishije abakatiwe n’igihano bahawe.

Umwe mu bakatiwe bagaragara kuri iyo nyandiko yabwiye BBC ko uru ari urubanza rw’urwango, kandi ari “ingingo ya politiki igamije kubanyaga no gutera ubwoba abari mu gihugu ngo ntibavuge ikitagenda neza”.

Inyandiko y’urukiko ibimenyesha yakwiriye ku mbuga nkoranyambaga, itegaka ko imitungo yabo izagurishwa kugira ngo hishyurwe agera kuri miliyari 1.5 y’amarundi (ni hafi $780,000) ku bangirijwe, barimo n’ishyaka CNDD-FDD riri ku butegetsi. Inyandiko y’urukiko yerekana ko muri abo bakatiwe harimo abari abasirikare bakuru nka Jenerali Godefroid Niyombare uwari ukuriye umugambi waburijwemo wo guhirika uwari Perezida Pierre Nkurunziza mu kwa kane 2015.

Abandi barimo;

  • Gaciyubwenge Potien wari minisitiri w’ingabo,
  • Jenerali Guillaume Nabindika
  • Jenerali Leonard Ngendakumana,
  • Col Habarugira Philbert,
  • Col Ntiranyibagira Jeremie n’abandi…

 

Leave a Reply

Your email address will not be published. Required fields are marked *