Diamond yabaye uwo gushimirwa uyu mwaka

 

Kimwe mu byamamare mu muziki wa Tanzania, Rajab Abdul Kahali uzwi nka Harmonize, kuri uyu wa 1 Mutarama 2020 yaciye bugufi imbere ya mugenzi we, Diamond Platinumz amushimira kuba yaramufashije kuzamuka amukuye aho agereranya no mu mucanga.

Mu butumwa yanyujije ku mbuga nkoranyambaga ze, Harmonize yagize ati: “Mvuze mbikuye ku ndiba y’umutima, ndagukunda bro (muvandimwe) ni umwaka mushya 2021. Warakoze kumpindurira ubuzima. Wabonye zahabu mu mucanga n’umwijima mwinshi cyane…!!!”

Harmonize ahamya ko Diamond yamuhinduriye ubuzima

Mvuze mbikuye ku ndiba y'umutima ndagukunda muvandi,wampinduriye ubuzima,wabonye zahabu mu mucanga...-Harmonize ashimira Diamond

Yakomeje ati: “Ubu Afurika yose, cyane cyane muri Afurika y’Iburasirazuba barasarura imbuto zo kubaho kwanjye.”

Yasabye Diamond kutumva nabi ibikorwa bye kuko ngo byose abikora kugira ngo amuheshe ishema nk’uwamufashije gutera imbere. Ati: “Uru rukundo ni urw’iteka muvandimwe. Buri cyose nkora ni ukugira ngo nguheshe ishema, ntuzanyumve nabi.”

Harmonize yabwiye Diamond ko mu gihe yakwicara wenyine, agasesengura, yabona neza umugambi we. Ati: “Icara wenyine, nta muntu ukuri iruhande, usesengure, uzamenya icyo nshatse kuvuga.”

Harmonize na Diamond bafatwaga nk’inshuti zikomeye cyane, bamwe bakabita abavandimwe bitewe n’imikoranire bagiranaga mu bikorwa by’umuziki, bigera aho batangiza inzu itunganya umuziki wa WCB (Wasafi Classic Baby).

Gusa bitewe n’igisa no gushaka inyungu bwite, Harmonize yatandukanye na WCB mu mwaka w’2019, atangize inzu ye ya Konde Gang, aho na we afasha abahanzi kuzamuka.

Bombi basigaye bafatwa nk’abahanganye (competitors) cyane mu muziki wa Tanzania no mu Karere ka Afurika y’Iburasirazuba.

 

Leave a Reply

Your email address will not be published. Required fields are marked *