Covid19 ishobora kuzarisha abanyarwanda Bonane nabi

Minisitiri w’Ubutegetsi bw’Igihugu, Prof Shyaka Anastase, yagaragaje ko bishoboka cyane ko bimwe mu bice bigize igihugu bishobora gusubira muri Guma mu Rugo mu gihe cyose ubwandu bw’icyorezo cya Covid-19 bwaba bukomeje kwiyongera.

Ibi Minisitiri Shyaka yabigarutseho ubwo yari mu kiganiro yagiranye na Radiyo y’igihugu aho yabajijwe niba bishoboka ko bimwe mu bice by’igihugu byasubizwa mu rugo. Ati “Nta kidashoboka, ikidashoboka ni ugutsindwa na Covid-19 ariko ingamba zose zaba zikenewe kugira ngo iki cyorezo tucyirinde, niba bigaragara ko igisubizo ari icyo ubwo abo bari muri ibyo bice nyine nabyo bibe mu byo bashobora kwitegura.”

Shyaka yongeyeho ngo ” Twese nidukomeza kurangara igakomeza kwiyongera ubwose uragira ngo hari ikindi tuba dutegereje uretse ko Guma mu Rugo iza ikarudusangamo.”

Yakomeje avuga ko nta munyarwanda byanezeza kurira iminsi mikuru ya Noheli n’Ubunani muri Guma mu Rugo asaba inzego z’ibanze gufatanya n’abaturage mu kubahiriza amabwiriza yo kwirinda Covid-19 kandi zikagerageza kubabera urugero.

Kugeza ubu abamaze kwandura Covid-19 mu Rwanda ari 6,428 mu gihe abo imaze guhitana ari 54.

 

Leave a Reply

Your email address will not be published. Required fields are marked *