Centre africa , Ethiopie Ouganda na Congo(RDC) nibyo bihugu bizahura n’akaga 2021

Abantu 207 nibo bimaze kwemezwa ko biciwe mu gitero cyo kuwa Gatatu ushize kibasiye abaturage ba Metekel mu ntara ya Benishangul-Gumuz mu burengerazuba bwa Ethiopia, mu gihe imibare ya mbere yari yashyizwe ahagaragara yavugaga abantu 100.

Ubu bwicanyi ni bumwe mu bwabaye mu bitero bimaze amezi menshi byibasira abaturage bo mu bwoko bwa Oromo, Amhara na Shinasha, abayobozi b’ibanze muri iki gice bavuga ko bigabwa n’udutsiko twitwaje intwaro tw’abo mu bwoko bwa Gumuz nk’uko iyi nkuru dukesha Euronews ikomeza ivuga.

Ubu bwicanyi buhora busubira buhangayikishije Komisiyo y’Uburenganzira bwa Muntu muri Ethiopia (EHRC) ikomeje gusaba ko hakoherezwa ubutabazi, mu gihe ibihumbi by’Abanyetiyopiya bikomeje guhunga ibice bya Bekuji na Kebele berekeza Bulen, umujyi bivugwa ko umaze kuzuramo impunzi.

Minisitiri w’Intebe, Abiy Ahmed arasaba Sudani kugira icyo ikora

Igisirikare cya Ethiopia kuwa Kane cyatangaje ko kishe abantu 42 bagize uruhare mu bwicanyi bwo kuwa Gatatu. Imyirondoro yabo ntiyatangajwe, ariko Minisitiri w’Intebe wa Ethiopia yasabye Sudani gukemura iki kibazo byihuse, ashimangira ko abagabye iki gitero baturutse muri Leta ya Blue Nile muri Sudani, aho batorezwa bakanahabwa intwaro.

Abiy Ahmed kuwa Kane yemeje ko iki gitero giheruka cyari kigamije “gutatanya ingufu zikomeye” zakusanyijwe mu rwego rw’igikorwa cya gisirikare kiriho ubu mu Ntara ya Tigray (mu majyaruguru), mu makimbirane adafitanye isano n’ubugizi bwa nabi bwabereye muri Benishangul-Gumuz.

 

Leave a Reply

Your email address will not be published. Required fields are marked *