Bwa mbere mu mateka Indaya yagiye mu kiruhuko cy’izabukuru !

Indaya y’imyaka 49 y’amavuko y’i Nairobi mu gihugu cya Kenya, yatangaje ku mugaragaro ko isezeye uwo mwuga nyuma yo kwita ku bagabo babarirwa mu 28,000.

Uyu mudandazamagara witwa Sarah Mutero, avuga ko nyuma yo guhagarika uriya mwuga yahawe ubutaka bufite agaciro k’amashiringi ya Kenya 120,000 (1,077,000Rwf) mu gace ka Makuyu ho mu ntara ya Muranga, gusa hari abagiraneza banamwijeje kumwubakira inzu yo guturamo.

Mu myaka 22 Mutero yari amaze mu buraya, avuga ko yise ku bagabo babarirwa mu bihumbi bo mu mujyi wa Embu avukamo, i Nairobi ndetse no mu gace ka Majengo.

Mutero avuga ko akiri inkumi yakiraga abagabo 20 cyangwa abarenga ku munsi, gusa uko imyaka yagiye yicuma akaba yaragiye atakaza abakiriya ku buryo yari asigaye yakira abakiriya bane ku munsi.

Ku bwa Mutero “Si ibintu byoroshye guhaza umubare w’abagabo bangana kuriya, bamwe baza ari abagome n’ubwo birangira dukomeje kuba abakene. Twinjiza urusenda tudashobora no kuzigama. Amafaranga yose ninjije mu gushimisha abagabo yagiye mu myambaro, ubukode ndetse no kugaburira abana banjye no kunishyurira ishuri.”

Mutero avuga ko mu Buraya imyitwarire imwe n’imwe umuntu ayishyira ku ruhande mu gihe umuntu ashaka amafaranga menshi.

Ati: “Niba ituro ari amashiringi 100 ugomba kuryamana n’abagabo bangahe kugirango ubone amaramuko? Benshi. Niyo mpamvu tutirengagiza abakiriya uko bashobora kwishyura kandi barengeje imyaka 18. N’ubwo nshaje, abasore barankunda kuko tubafata neza, kandi iyo ari abiga tubereka uburyo bwo kwambara agakingirizo no kuryoherwa n’imibonano. Abakiriya banjye babaga bafite hagati y’imyaka 18 na 35.”

Mutero yari mu ndaya zishaje muri Nairobi, ikaba impamvu yahisemo kujya mu kiruhuko cy’izabukuru no kubera urugero bagenzi be, bamwe bari mu kigero cy’imyaka 60.

Ati: “Abakobwa bakiri bato bari kudusimbura. Nanjye mbona bidasanzwe mu gihe abakiriya bamwe duhura bambwira ko nabitayeho neza nyuma y’imyaka itanu cyangwa icumi. Bibaza uko nkiri muri ubu buzima. Nanze benshi bansabye ko twashyingiranwa, cyane cyane nyuma yo kubashimisha.”

Yunzemo ati: “Ndashaka kujya mu kiruhuko cy’izabukuru nkabaho ntuje. Ntabwo nabaswe n’uburaya ku buryo nasubira ku muhanda. Oya, ndashaka ubuzima butuje hamwe n’abana banjye kandi sinkeneye umugabo. ”

Uyu mubyeyi w’abahungu babiri yavuze ko abana be bamwubaha kandi bakaba bari bazi ko ari indaya, gusa bakaba bari bamaze igihe bamusengera ngo ahinduke.

 

Leave a Reply

Your email address will not be published. Required fields are marked *