Abatuye uganda ntibizera Police yaho?

Abapolisi babiri ba Uganda babarizwa ku cyicaro gikuru cya polisi muri Bukwo, mu burasirazuba bw’iki gihugu, kuri uyu wa Kane batemaguwe n’abaturage bariye karungu barabica mbere y’uko polisi yihorera nayo ikica abaturage babiri.

Ibi byabaye ubwo itsinda ry’abapolisi ryari rigiye guta muri yombi umuntu ushinjwa gufata ku ngufu umwana, abaturage bagatangira kubarwanya bakihagera.

Mu kubarwanya nk’uko tubikesha Daily Monitor, abapolisi babiri bishwe bituma bagenzi babo nabo barasa mu baturage bari bahuruye ari benshi, babiri muri bo bahasiga ubuzima.

Umuvugizi wa polisi mu karere ka Sipi, Fred Chesang, yemeje aya makuru, avuga ko batangiye iperereza kuri iki kibazo.

Ati “Hari ikirego cyo gufata ku ngufu cyaregewe Station ya Polisi ya Bukwo maze abapolisi batanu bahabwa inshingano zo kujya guta muri yombi ukekwaho icyaha. Abaturage ariko babarwanyije ubwo bafataga ukekwaho icyaha.”

Uyu yavuze ko abaturage bari bafite ibibando n’imipanga bateye ndetse bagatema abapolisi babiri bakabica.

Yongeyeho ko abaturage babiri bafashwe n’amasasu ubwo abapolisi bageragezaga kwirwanaho, umwe agahita apfa undi agapfa arimo kujyanwa kwa muganga.

Ni nako byagenze ku bapolisi kuko umwe yahise apfira aho mu gihe abandi bane bakomeretse. Umupolisi wa kabiri yapfuye ubwo bari barimo kujyanwa kwa muganga, abandi batatu basigaye bakaba bari kuvurirwa ku Kigo Nderabuzima cya Bukwo.

 

Leave a Reply

Your email address will not be published. Required fields are marked *