Uyu mukobwa ngo arashaka umugabo: witonde ni umunigeriya

Mugihe hari bamwe bari gushakisha gatanya kuko bataryohewe n’urushako, abandi batinya kurongora cyangwa kurongorwa kubera ibyo bumva bibera mungo zo muri iyi minsi, hari abandi bo bafite agahinda gakomeye ko kuba badafite abo babana nk’umugore n’umugabo.

 

Ni inkuru yacicikanye ku mbuga nkoranyambaga zitandukanye hirya no hino ku isi, ni umukobwa ubonako ari mwiza cyane urebeye ku isura, uyu mukobwa yagaragaye atakamba, asaba buriwese ubishoboye kuba yamusengera akabona umugabo kuko ngo amaze igihe kinini ategereje uwamurongora ariko yarahebye.

Ku wa kabiri, tariki ya 25 Kanama, uyu mugore mwiza uzwi ku izina rya Salmerh Umar yifashishije urubuga rwa Twitter kugira ngo agaragaze ko yifuzaga cyane umugabo.

Yanditse amagambo agira ati: “Sinshobora guhisha ibyiyumvo byanjye, nyamuneka munsengere; nkeneye umugabo. Nkomoka muri leta ya Gombe.”

Uyu mukobwa amaze kwandika ubu butumwa, yahise atangira gukurikirwa cyane, abantu batangira kumuha ibitekerezo harimo abamwihanganisha, abemera kuba bamusengera akabona uwo yifuza ndetse harimo n’abifuza kuba babana nawe.

Kubera ubwiza bwe, nuburyo agaragara ku mafoto hari abagabo bamwe batabashije guhisha ibyiyumvo byabo maze batangira kumubwirako bamukunze ndetse biteguye kuba babana nawe.

Uyu mugore avugako akeneye, umugabo usenga, utanywa inzoga n’itabi kandi ngo umugabo uzi gukora akazi n’inshingano z’urugo, yavuzeko adakeneye abagabo bitesha mutwe kuko ngo igihe amaze ategereje nikinini cyane ubu akeneye umuntu ushaka kubaka rugakomera

Salmerh Umar ukomoka mugihugu cya Nigeria, bivugwako afite imyaka 36, nkuko tubikesha ikinyamakuru Pulse24 cyandikirwa muri Nigeria.

 

Leave a Reply

Your email address will not be published. Required fields are marked *