Urwibutso rukomeye Maxime afite afite kuri APR FC

Rutahizamu wa Rayon Spors usatira anyuze ku mpande, Sekamana Maxime avuga ko kwibagirwa APR FC bidashoboka kuko ari yo yamugize uwo ari we uyu munsi ituma abantu bamumenya.

Sekamana Maxime ni umwe mu basore bakuriye mu ikipe ya APR FC ndetse ayikinira igie kirekire bakaba baratandukanye umwaka ushize wa 2019.

Mu kiganiro yairanye n’ikinyamakuru ISIMBI, Maxime yavuze ko byanze bikunzi nk’ahantu yakuriye hari byinshi aba ahakumbuye.

Yagize ati“ni byinshi cyane nkumbura kuri APR FC, urumva ni ahantu nakuriye rimwe na rimwe hajya hagera igihe ukahakumbura urumva ntabwo byabura.”

Akomeza avuga ko urwibutso afite kuri iyi kipe y’ingabo z’igihugu ari uko ari ikipe yatumye aba uwo ari we, yatumye impano ye imenyekana.

Yagize ati“ikintu ntazayibagirwaho ni ikipe yatumye impano yanjye igaragara. Abantu baramenye, mu by’ukuri yatumye mba uwo ndi we uyu munsi.”

Maxime Sekamana yasinyiye Rayon Sports amasezerano y’imyaka 2, ubu asoje umwaka umwe akaba ayisigajemo undi mwaka w’imikino.

Leave a Reply

Your email address will not be published. Required fields are marked *