Tanzaniya nta gahunda yo kwirinda covid19 ihari, bigiriye mu matora

Muri Tanzania, Coronavirus niba ihari cyangwa idahari ntacyo bivuze kuri gahunda y’amatora ateganyijwe tariki 28 Ukwakira 2020, kuri uyu wa Gatandatu imbaga y’Abatanzania bashyigikiye Umukandida w’ishyaka CCM ari we Dr. John Joseph Magufuli bahuriye mu Mujyi wa Dodoma baje kumwakira no kumwereka ko bazamuha manda ya kabiri. Amafoto agaragaza Perezida Pombe Magufuli aceza umuziki n’abagize Itsinda TOT. Kuri iyi tariki ya 29 Kanama 2020, Perezida Magufuli nibwo yatangiye ku mugaragaro ibikorwa byo kwiyamamaza, abitangirira ku Murwa Mukuru w’Ubutegetsi.

Ku wa Gatanu tariki 28 Kanama na bwo byari ibindi birori mu Mujyi wa Dar Es Salaam ubwo Umukandida uvugwa cyane mu batavuga rumwe na Leta Tundu Lissu, yahagurukije imbaga y’abaje kumwereka ko bishoboka gutsinda CCM iri ku butegetsi kuva Mwalimu Julius Nyerere yabora kiriya gihugu kibabona ubwigenge mu 1961 kibuhawe n’Ubwongereza.

Tundu Lissu ahagarariye ishyaka rya Chadema rimwe mu akomeye cyane, yiyamamaza afatanya na Salim Mwalimu.

Abiyamamariza kuyobora Tanzania ni 14 barimo Dr Pombe Magufuli wicaye ku Ntebe ya Perezida kuva mu 2015 ari no mu bahabwa amahirwe yo gutsinda bitewe n’impinduka yagejeje ku gihugu ke.

Uretse gutora Perezida bizaba tariki 28 Ukwakira 2020, abatora bazahita banahitamo Intumwa za Rubanda.

Urubuga worldometer.info rugaragaraza ko igihe Tanzania iheruka gutanga amakuru ku cyorezo cya COVID-19 abantu 509 bari baranduye, abagera kuri 21 cyarabahitanye abakize ni 183. Gusa Perezida Magufuli yumvikanye kenshi avuga ko iki cyorezo kitakibarizwa ku butaka bw’igihugu ke.

 

Leave a Reply

Your email address will not be published. Required fields are marked *