Ni ibicucu gusa – Zari Hassan nyuma yo gutukwa

Umugandekazi w’umuherwe wibera muri Afurika y’Epfo, Zari Hassan yasabye abantu bo mu bwoko bwe bwa Basoga guhaguruka bakarwanira uburenganzira bwabo, ni nyuma yo gutukwa azizwa ko yari yibajije niba Bobi Wine afite ubushobozi bwo kuyoboa Uganda.

Mu minsi ishize uyu mugore w’abana 5 yifashe amashusho yibaza niba Bobi Wine afite ubushobozi bwo kwiyamamariza kuyobora Uganda, ntabwo byakiriwe neza akaba yaratutswe n’abantu batandukanye.

Nyuma yo gutukwa akaba yongeye kwifata andi mashusho ashishikariza abantu bo mu bwoko bwe[Basoga], kutagira umutwe wa politiki n’umwe bashyigikira ahubwo bakarema uwabo, kuko iyo bashyigikiye yose nta n’umwe ubitayeho.

Yagize ati“twebwe Basoga reka dushinge ishyaka ryacu rya politike kuva abo bose batadukunda ubundi dutangire urugamba rwacu. Ni ibicucu gusa. Nta cyaha twakoze kuba Basoga. Nta kintu ncuruza Kampala habe n’umuziki, nta n’ubwo ndi no kuri televiziyo ngo ndasubira hasi. Reka tuzamure ijwi ryacu.”

Zari Hassan akaba yarabwiye abanya-Uganda ko kuba bakeneye impinduka bashaka usimbura Museveni kuko abarambiye, bagakwiye gutekereza k’ugiye kumusimbura bakareba niba koko afite ubwo bushobozi, ari n’aho yahereye yibaza niba Bobi Wine koko afite ubwo bushobozi bwo kuba perezida wa Uganda.

Leave a Reply

Your email address will not be published. Required fields are marked *