Ndi umudamu w’imyaka 38 Iyo nasomye kunzoga nifuza umugabo cyane kandi uwanjye tubonana gake cyane mu mwaka- Nkore iki?

Nitwa Janviere aho ntuye mpagize ibanga, imyaka yanjye ni 38 nkaba mfite abana babiri, bitewe n’imiterere y’akazi umugabo wanjye akora, ntabwo aboneka mu rugo buri gihe, kuko ashobora kubona uruhushya rwo kuza mu rugo nka kabiri mu mwaka.

Mu by’ukuri rero, ikinteye kugisha inama, ni iki, ubusanzwe ndi umucuruzi wa butiki ariko irimo byose, ndavuga ibiribwa n’ibinyobwa. Inzoga ndazicuruza kandi nsomaho nta banga ririmo. Sindi umusinzi ariko kuyinywa byo ndayinywa.

Nta muntu n’umwe nari nabwira ikibazo mfite, aha niho hambere mbivugiye. Inzoga yose nasomaho ipfa kuba ari inzoga, nubwo kaba ari gake, gatuma numva nshatse umugabo cyaneee, nimvuga cyane ntimugire ngo ni ibi byoroheje. Ahubwo ni uko ntajya nsangira n’abagabo, kaba kambayeho hagize umenya uko mu mubiri wanjye byifashe.

Mungire inama, ese ubwo mu mubiri wanjye ndi muzima cyangwa ndarwaye, kuko mbona hari abagore banywa n’amacupa abiri, atatu n’andi menshi nkabona nta kibazo bafite, ariko njyewe n’akarahuri kamwe kanteza ibyo bibazo mbabwiye.

Nagerageje kuyireka birananira n’ubwo bwose ntananywa nyinshi pe, nshobora gusomaho nka kabiri mu cyumweru kandi nabwo nkasomaho nsoje akazi nijoro. Mungire inama kuko nirinze kubibwira umugabo ngo atazakeka ko muca inyuma kandi ndengana. Ese hari umuti wangabanyiriza ubwo bushake ngira bwinshi cyane bwo gukora imibonano mpuzabitsina kubera inzoga? murakoze!!

Leave a Reply

Your email address will not be published. Required fields are marked *