Kunganira Rusesabagina bijemo Mafiya: Me Rugaza ashobora kubikirwa imbehe

Nyuma yo kwumva ko umuryango wa Paul Rusesabagina udashaka uwuvuga ko amwunganira ari i Kigali ahubwo ukagena abandi indwi, twashatse kumenya uwo ari we n’uwamushinze ako kazi.

Mu makuru yacu y’ejo (kuwa gatatu itariki 09/09/2020) twabashikirije ikiganiro twagiranye na Carine Kanimba, umwana wa Rusesabagina yavuze ko umuryango wiwe wamaze kugena abunganizi b’abanyamahanga barimwo n’umunyarwanda umwe bazunganira Rusesabagana mu rukiko.

Yatubwiye ko umwunganizi w’umunyarwanda bagenye ataremererwa kumureba cyangwa kuvugana nawe.

Yanatubwiye ko avugana na se, yumvise ko yari kumwe n’umwunganizi witwa David ariko umuryango utemera.

Twashatse kumenya uwo David dusanga ari Maitre David Rugaza, umwunganizi yemewe mu Rwanda, tumubaza uko byagenze ngo abe umwunganizi wa Rusesabagina kandi umuryango we utamwemera.

Uruhande rw’umuryango wa Paul Rusesabagina rwatangaje itsinda ry’abanyamategeko barindwi ruvuga ko ari bo rwemera ko bunganira Bwana Rusesabagina.

Kuwa gatandatu, umunyamategeko David Rugaza yabwiye bimwe mu bitangazamakuru mu Rwanda ko Bwana Rusesabagina yamuhisemo mu myirondoro y’abanyamategeko yari yashyikirijwe.

Kathryne Kurth umuvugizi wa “Hotel Rwanda Rusesabagina Foundation” yavuze ko uwo munyamategeko “atazwi kandi atifuzwa n’umuryango wa Rusesabagina” kuko “abogamiye ku ruhande rwa leta y’u Rwanda”.

Mu itangazo yoherereje BBC, Madamu Kitty yavuze ko umuryango wa Rusesabagina “watoranyije intsinda ry’abanyamategeko b’inzobere” ngo bazamuburanire.

Ntabizwi neza igihe Paul Rusesabagina – uregwa ibyaha byo “kurema umutwe w’iterabwoba” – azagezwa imbere y’ubucamanza, niba n’abo banyamategeko bazemererwa kumwunganira.

Mu kiganiro kuri televiziyo y’u Rwanda ejo ku cyumweru Perezida Paul Kagame yavuze ku buryo Rusesabagina yagejejwe mu Rwanda, avuga ko byinshi ubwe azabivuga mu “rubanza rwe ruzaba ku mugaragaro.”

Umuryango we uvuga ko “nta buryo Rusesabagina yahitamo ku bushake umwunganizi mu mategeko atabanje kubaza umuryango we”.

Madamu Kurth avuga ko umuryago we watoranyije abanyamategeko barindwi bo kumwunganira, ari bo;

  • Gatera Gashabana, umwe mu banyamategeko bazwi mu Rwanda
  • Kate Gibson, wo muri Australia
  • Jared Genser wo muri Amerika
  • Brian Tronic, wo muri Amerika
  • Vincent Lurquin, wo mu Bubiligi
  • Philippe Larochelle, wo muri Canada
  • Peter Robinson, wo muri Amerika

 

 

Leave a Reply

Your email address will not be published. Required fields are marked *