Ikihishe inyuma y’urupfu rw’umupolisi wakubise urushyi umusaza rukukuri

Abaturage bahiye ubwoba kubera urupfu rw’amayobera rw’umupolisi wazize gukubita umusaza urushyi. Aba baturage bo mu mujyi wa Malava ho mu gihugu cya Kenya, baguye mu kantu nyuma y’uko umupolisi akubise urushyi umugabo utabashije kumenyekana hashira akanya gake akitura hasi agahita apfa.

Amakuru avuga ko umupolisi wahuye n’iryo sanganya ari uwitwa Remko Madowo, akaba yari yagiye muri kariya gace yakoreragamo gufata ibikoresho bye, bijyanye n’uko yaherukaga kwimurirwa ku gashami ka Polisi ya Kenya kari ahitwa Kongit mu gace ka Bungoma.

Raporo Polisi ya Kenya ikorera mu gace ka Malava yasohoye, ivuga ko Nyakwigendera yari yagiye kwimura ibikoresho bye, hanyuma ageze ku muhanda ahitamo guhagarara kugira ngo abanze ahekenye shikarete anaruhuka.

Ako kanya ngo umugabo ukuze utamenyekanye yahise amwegera amwicara ihurande.

Umupolisi ngo yabajije uwo mugabo impamvu amwicaye iruhande kandi yari ari kwiruhukira, ngo birangira amukubise urushyi ku mpamvu itamenyekanye. Uwakubiswe ngo yahise abwira umupolisi ko ari bujye kumurega kuri polisi ahita yigendera.

Uwo mugabo akimara kuva aho Madowo yahise yitura hasi, mbere yo gupfira mu nzira ubwo bamuvanaga muri Komini Malava bamujyana ku bitaro.

Umurambo wa Nyakwigendera wahise ujyanwa ku bitaro bya Kakamega gukorerwa isuzuma, mu gihe hataramenyekana impamvu ya nyayo y’urupfu rw’amayobera rw’uriya mupolisi.

 

Leave a Reply

Your email address will not be published. Required fields are marked *