Benshi mubagore bakuze bakunda kwinjira m’urukundo n’abasore bakiri bato

Urubuga ruhuza abantu bashaka inshuti rwo mu Gihugu cy’u Bwongereza rwashyize ahagaragara icyegeranyo rwakoze aho byagaragaye ko benshi mu bakoresha uru rubuga mu gushaka inshuti ari abagore bakuze baba bashaka inshuti z’abasore bakiri bato.

Guhera mu mwaka wa 2009, uru rubuga rwatangiye guhuza abantu n’abandi, aho umuntu avuga umwirondoro we hanyuma akavuga ni nshuti yifuza uko yaba imeze, hanyuma bakabahuza.

Mu kwezi kwa Kamena 2012, uru rubuga rwashyize ahagaragara ikegeranyo kigaragaza ko 50% by’abagore bubatse ingo bagana uru rubuga baba bifuza inshuti z’abasore bakiri bato.

Mu kiganiro Huffington Post yagiranye n’umuhanga mu bumenyi bwa muntu Dr Amelie Duval, yavuze ko ibyo bidatangaje kuba abagore bakuze bifuza kugira inshuti z’abasore kabone niyo baba bafite abagabo, ngo kuko abagore muri kamere yabo bakunda umuntu uhora abereka udushya mu rukundo.

Mu gihe abagabo bari hagati y’imyaka 40 na 50 hari ibintu bimwe na bimwe batitaho kandi abagore baba babishaka, bigatuma bahitamo gushaka abasore bakiri bato kuko aribo baba bazi utwo dushya tw’urukundo.

Huffington Post ikomeza itangaza ko aba bagore baba bifuza inshuti z’abasore abenshi muri bo baba batabanye neza n’abagabo babo cyangwa baratandukanye burundu.

Ibi bishobora kuba n’intandaro y’imico igenda ifata intera na hano mu Rwanda, aho usanga abagore bakuze bazwi ku mazina ya sugar mommy (shuga mami)bararura abahungu bato, gusa si ku bagore gusa kuko na bamwe bagabo bubatse usanga bajya mu bakobwa b’abangavu.

Leave a Reply

Your email address will not be published. Required fields are marked *